Երեկ ՄԱԿ-ի գլխավոր քարտուղար Բան Կի Մունի ինքնաթիռը չի կարողացել վայրէջք կատարել Արգենտինայի մայրաքաղաք Բուենոս Այրեսի օդանավակայանում, քանի որ այն փակ է եղել Չիլիում ժայթքած Պույեուե հրաբխի արտանետած մոխրի պատճառով: Այս մասին հաղորդում է France Presse գործակալությունը:
Բոլոր չվերթները երկուշաբթի օրը կրկին հետաձգվել են և ուղղվել պահեստային օդանավակայաններ: Բան Կի Մունն այստեղ էր ժամանում երկօրյա պաշտոնական այցով: Սակայն նա ստիպված է եղել մեկնել Կորդոբայի օդանավակայան, որը 700 կմ հեռավորության վրա է մայրաքաղաքից: Բուենոս Այրես նա կժամանի ցամաքային տրանսպորտով:
Հիշեցնենք, որ հունիսի 4-ին Չիլիում ակտիվացած հրաբուխն արդեն հասցրել է խափանել ինչպես հարավամերիկյան, այնպես էլ նորզելանդական և ավստրալական օդանավակայանների աշխատանքը: