Հունիսի 11-ին Գլենդելի Beyond the Star’s թատրոնում տեղի ունեցավ Տիգրան Պասկևիչյանի և Արա Շիրինյանի «Հայաստանի կորսված գարունը» ֆիլմի ցուցադրությունը, որին Հայաստանից ներկա է գտնվել Մարտի 1-2-ի դեպքերն ուսումնասիրող փաստահավաք խմբի ընդդիմադիր անդամ Անդրանիկ Քոչարյանը:
Ֆիլմի ցուցադրությանը ներկա են եղել շուրջ հինգ հարյուր հանդիսականներ: Ֆիլմի ցուցադրությունից հետո մոտ երկու ժամ շարունակ Անդրանիկ Քոչարյանն ու Տիգրան Պասկևիչյանը պատասխանել են ներկաների հարցերին: Ժամանակի սղության պատճառով որոշվել է կրկնակի հանդիպում կազմակերպել հունիսի 17-ին: Այդ օրը հանդիպմանը մասնակցելու են նաև ԱՄՆ-ում Հայ ազգային կոնգրեսի ներկայացուցիչ Արման Գրիգորյանը և «Ժամանակ» օրաթերթի ու «Առաջին լրատվական» կայքէջի գլխավոր խմբագիր Արման Բաբաջանյանը: