Թերթի տեղեկություններով՝ Աժ ՀՅԴ խմբակցության ղեկավար, «Եվրանեսթի» ԽՎ-ում Աժ պատվիրակության ղեկավար Վահան Հովհաննիսյանը դիմել է Աժ նախագահ Հովիկ Աբրահամյանին՝ պատվիրակության կազմում փոփոխություններ կատարելու պահանջով: Թերթի աղբյուրի փոխանցմամբ՝ Վ.Հովհաննիսյանը նույնիսկ սպառնացել է հրաժարական տալ պատվիրակության ղեկավարի պաշտոնից, եթե Աժ խմբակցությունները «Եվրանեսթի» իրենց այժմյան անդամներին չփոխարինեն այլ անդամներով:
«Վ.Հովհաննիսյանը դժգոհել է, որ այդ պատվիրակության կազմում ընդգրկված են հիմնականում այնպիսի պատգամավորներ, ովքեր չեն տիրապետում օտար լեզվի, բացառությամբ՝ ՀՀԿ-ի ու ԲՀԿ-ի պատգամավորների, այնինչ, ըստ Վ.Հովհաննիսյանի՝ առաջիկայում «Եվրանեսթում» ՀՀ պատվիրակությանը լուրջ աշխատանք է սպասվում»,- գրում է թերթը:
