ԱԺ թերթի աղբյուրների փոխանցմամբ՝ Աժ նախագահ Հովիկ Աբրահամյանը չի ցանկացել հունիսի 22-ին ԵԽ ԽՎ նստաշրջանին գործուղել ՀՀ պատվիրակության անդամներ ԲՀԿ-ական Արմեն Մելիքյանին և ՀՀԿ-ական Գրիգոր Մարգարյանին՝ պատճառաբանությամբ, թե նրանց այցերն ընդամենը «բեռ» են Աժ բյուջեի համար, քանի որ նրանք այնտեղ որևէ աշխատանք չեն իրականացնում:
«Մելիքյանն ու Մարգարյանը խիստ վիրավորվել են, քանի որ այս նստաշրջանն իրենց համար կարևոր է այնքանով, որ այնտեղ է լինելու նաև ՀՀ նախագահ Սերժ Սարգսյանը: Սակայն նրանց հաջողվել է լուծել այդ խնդիրը, և կիրակի օրը նրանք նույնպես կմեկնեն Ստրասբուրգ»,- գրում է թերթը:
«ՉԷ, ես գնում եմ»,- երեկ թերթի հետ զրույցում ասել է ԲՀԿ-ական Ա. Մելիքյանը՝ ավելացնելով, թե ինքը տեղյակ չէ, որ իր մասնակցությունը ԵԽ ԽՎ նիստում համարվում է անարդյունավետ: