Bain & Company խորհրդատվական կենտրոնը հրապարակել է զեկույց՝ ամերիկյան հասարակությունում ունեցվածքային շերտավորման վրա ավտոմատացման ազդեցության թեմայով։ Վերլուծաբանների կարծիքով՝ կա ռիսկ, որ ռոբոտացումը չի հանգեցնի ընդհանուր բարեկեցության ակնկալվող աճի, այլ հարուստներին կդարձնի ավելի հարուստ։ Այս մասին հայտնում է MIT Technology Review-ն։
Համաձայն հետազոտության՝ ավտոմատացումն առաջին հերթին կհարվածի ցածր և միջին եկամուտ ունեցող մարդկանց։ Դրա առավելություններից՝ արտադրողականության և ներդրումների աճից, կարող են օգտվել միայն բարձր որակավորում ունեցող աշխատողներն ու խոշոր կորպորացաները։ Մինչ 2020-ականների ավարտը ԱՄՆ տնտեսությունում աշխատատեղերի 20-25 տոկոսը կոչնչացվի ավտոմատացման պատճառով։
Ավտոմատացումից առաջացած ներդրումների ալիքը տեխնոլոգիաներում գնահատվում է մոտ 8 տրիլիոն դոլար։ 2030-ականների սկզբին սպասվում է ներդրումների անկում։