Կառա Լյուսի Օ’Քոննորը լուրջ առիթ ունի անհանգստության. Առաջ Պլուտոնը մոլորակ էր, իսկ հետո նրան զրկել են այդ կարգավիճակից։ Նա NASA հուզիչ նամակ է ուղարկել՝ խնդրանքով վերականգնել տիեզերական մարմնի կարգավիճակը, և արդյունքում երկու պատասխան է ստացել։
Ահա աղջկա նամակը. Ես Կառա Լյուսի Օ’Քոննորն եմ։ Ես Իռլանդիայից եմ, հինգ տարեկան եմ, ես սովորում եմ աղջիկների դպրոցի կրտսեր դասարանում, Գլաշինում։ Վերջերս սկսել եմ հետաքրքրվել աստղագիտությամբ և սկսեցի տեսանյութ նայել տիեզերքի մասին։ Ես գրում եմ ձեզ, որովհետև անհանգստացած եմ։ Ես երգ էի լսում, և երգի վերջում «Վերադարձրեք Պլուտոնը» խոսքերն էին։ Ես կուզենայի, որ դա տեղի ունենար։ Պլուտոնը երկար ժամանակ մոլորակ է եղել և ես կարծում եմ, որ դա արդար էր։ Այժմ այն գաճաճ մոլորակ է։ Ես շատ կուզենայի, որ ինչ որ մեկը NASA-ում որոշեր Պլուտոնը կրկին մոլորակ դարձնել։ Երբ ես վեց տարեկան դառնամ, իմ սեփական մոլորակն եմ հայտնաբերելու և այն «Միաեղջյուր» եմ անվանելու։ Ես նաև կուզենայի այցելել բոլոր հիմնական մոլորակները, այդ թվում Պլուտոն։ Հուսով եմ, որ մի օր տիեզերագնաց կդառնամ և կաշխատեմ NASA–ում, բայց սկզբից դուք պետք է ինձ համար լուծեք այդ խնդիրը։
Մի քանի ամիս հետո նրան պատասխանել են NASA-ից։ Պատասխանը գրել է Ջեյմս Գրինը, ով տիեզերական գործակալության մոլորակային գիտությունների վարչության ղեկավարն է։
«Ես համաձայն եմ քեզ հետ, որ Պլուտոնն իրոք զիլ է։ Ով կմտածեր, որ Պլուտոնը սիրտ ունի,– ասվում է պատասխանի մեջ։ – Ինձ համար այնքան էլ կարևոր չէ, արդյոք Պլուտոնը գաճաճ մոլորակ է, թե՝ ոչ։ Ավելի կարևոր է, որ այն հետաքրքիր վայր է, որը մենք պետք է շարունակենք ուսումնասիրել»։
Կառան նաև պատասխան է ստացել Քարլի Հովեթից, Սաութվեսթի հետազոտական ինստիտուտից, ով մասնակցել է Պլուտոնի New Horizons ծրագրին։
«Դու ճիշտ ես։ Պլուտոնը որպես գաճաճ մոլորակ է ստեղծվել։ Ոմանք գտնում են, որ դա ճիշտ է, ոմանք համաձայն չեն դրա հետ։ Ես կարծում եմ, որ Պլուտոնը շատ կարևոր է, բայց նրան հետաքրքիր չէ, թե հիմար մարդուկները Երկրի վրա ինչպես են իրեն անվանում։ Դրա համար էլ ես այն իմ սիրելի աշխարհն եմ անվանում, իսկ մյուսները կարող են վիճել դրա հետ»։
