Ռուսաստանի արտաքին գործերի նախարարությունն իր վրդովմունքն է հայտնել ամերիկյան «Մոնտերեյ» հածանավի՝ Սև ծով մուտք գործելու կապակցությամբ: Այս մասին հաղորդում է RIA-Novosti կուսակցությունը: Արտգործնախարարությունում ասել են, որ ԱՄՆ-ն շարունակում է անտեսել Ռուսաստանի մտահոգությունները և ցուցադրաբար ձևավորում է հակահրթիռային կոնֆիգուրացիա, ինչի դեմ հանդես է գալիս Ռուսաստանը: Նավը գտնվում է ուկրաինական ջրերում և պատրաստվում է այդ երկրում մասնակցել զորավարժությունների:
Նշվում է, որ այս հածանավը, որը պետք է դառնա ԱՄՆ կողմից ձևավորվող հակահրթիռային պաշտպանության համակարգի մի մասը, Միջերկրական ծով է ուղարկվել 2011 թ.: «Մոնտերեյ» նավը հագեցված է «Էգիս» համակարգով, որը թույլ է տալիս նավերին հետևել ավելի քան հարյուր թիրախների 190 կմ շառավղով:
Ռուսաստանի և ՆԱՏՕ-ի հարաբերությունները հակաօդային պաշտպանության համակարգում համագործակցության շուրջ վերջին շրջանում հայտնվել են փակուղում: Ռուսաստանը բազմիցս է մտահոգություն հայտնել այս կապակցությամբ, սակայն ամերիկյան կողմը միշտ պատասխանում է, որ հակահրթիռային և ոչ մի համակարգ ուղղված չէ Ռուսաստանի դեմ: Արևմուտքը նաև մերժել է Ռուսաստանին հակահրթիռային պաշտպանության նոր համատեղ համակարգ ստեղծելու առաջարկը: