Մեծ Բրիտանիայի McDonald’s արագ սննդի ռեստորանների ցանցը մեղադրվել է անպատասխանատվության մեջ այն բանից հետո, երբ նրա ցանկում բուրգերների՝ Signature նոր կալորիական շարքն է հայտնվել։
Նշվում է, որ հավաքածուի դասական բուրգերը 698 կալորիա է պարունակում, կծուն՝ 635, բարբեքյուն՝ 732: Այն դեպքում, երբ Big Mac-ի էներգետիկ արժեքը միայն 508 կալորիա է։
Նաև հաղորդվում է, որ նոր հավաքածուի BBQ բուրգերում 44 գրամ ճարպ է պարունակվում։ Սա երկու անգամ ավել է քան Big Mac–ում, որտեղ այն 25 գրամ է։
McDonald’s–ը բացել է Signature շարքը 2017 թվականին, որից հետո վերադարձրել է այս բուրգերները Ռեգբիի վեց ազգերի գավաթի մենյու։
McDonald’s–ը քննադատության է ենթարկվել այն բանի համար, որ կապել է նոր բուրգերները սպորտի հետ։ Ըստ ամերիկացի փորձագետների՝ մեծահասակների հիմնական ուտեստը չպետք է գերազանցի 600 կալորիան։
