Ադրբեջանական APA լրատվական գործակալության փոխանցմամբ՝ Ադրբեջանի արտգործնախարար Էլմար Մամեդյարովն այսօր կայացած ճեպազրույցի ժամանակ հայատարարել է, որ հունիսի 11-ին Մոսկվայում կայացած արտգործնախարարների հանդիպման ժամանակ երեք ժամ քննարկել են ղարաբաղյան հակամարտության կարգավորումը։
Մամեդյարովն ընդգծել է, որ այդ գործընթացում արձանագրվել է որոշակի առաջընթաց. «Սակայն որոշ հարցեր դեռ մնում են չլուծված։ Մենք հանդիպման արդյունքների մասին կզեկուցենք մեր նախագահներին։ Նրանք էլ ղարաբաղյան հակամարտության կարգավորման բանակցությունները կշարունակեն Կազանում։ Ինտենսիվ բանակցություններն արդեն խաղաղության համաձայնագրի քննարկում անցկացնելու հնարավորություն են ստեղծել»։
Հիշեցնենք, որ երեք երկրների նախագահների հանդիպումը Կազանում տեղի է ունենալու հունիսի 25-ին։