Իսրայելի վարչապետ Բենյամին Նեթանյահուն սառեցրել է դեպի ԱՄՆ բժշկական մարիխուանայի արտահանման նախագիծը՝ նախագահ Դոնալդ Թրամփի զանգից հետո։ Այս մասին հայտնում է Channel 2 News-ը։
«Իսրայելը փորձում է թույլ չտալ կոնֆլիկտ Թրամփի հետ, ով դեմ է հանդես գալիս մարիխուանայի օրինակացմանը։ Նախարարների հետ հանդիպմանը Նեթանյահուն նշել է, որ Թրամփը խոսել է իր հետ այդ թեմայով և դեմ արտահայտվել»,-ասվում է հեռուստաալիքի հաղորդագրությունում։
Այսօր Իսրայելի արդարադատության նախարար Այելեթ Շակեդը հայտարարել է, որ կփորձի տարհամոզել Նեթանյահուին։
Ներկա պահին Իսրայելում գոյություն ունի մոտ 50 ընկերություն, որոնք մարիխուանա են արտադրում բժշկական նպատակների համար։ Դեռևս միայն Կանադան է թույլատրել իսրայելական մարիխուանայի արտահանում։
