«Ժողովրդավարական ուղի» կուսակցության փոխնախագահ Վարդան Գրիգորյանն «Առաջին լրատվականի» հետ զրույցում, պատասխանելով հարցին, թե քաղբանտարկյալների ազատ արձակումից հետո արդյո՞ք փոխվել է երկրում իրավիճակը, նշեց. «Հայաստան, աչքդ լույս, քո բանտերում ու զնդաններում այլևս քաղբանտարկյալներ չկան, ու տա Աստված, որ այլևս չլինեն: Սակայն թեև զնդաններից ազատ արձակվեցին բոլոր քաղբանտարկյալները, մեր երկիրն է մնացել ապաշնորհ ղեկավարների ձեռքին, և մեզ դեռևս անհրաժեշտ է երկիրն ազատագրել»:
Գրիգորյանի գնահատմամբ, իրավիճակի փոփոխություն կլինի միայն այն ժամանակ, երբ ժողովուրդը վստահություն ունենա իր առաջնորդների նկատմամբ, և անելու է ամեն ինչ, որպեսզի իշխանությունն իր ձեռքը վերցնի. «Իրավիճակի փոփոխությունը կբերի նաև Հայաստանի ազատագրումը այս իշխանություններից»:
ԺՈւԿ փոխնախագահի խոսքերով, հունիսի 30-ի հանրահավաքի հիմնական մեխը լինելու է հենց այդ իրավիճակի գնահատումը:
