ՀՀ ԱԺ ՀՀԿ խմբակցության պատգամավոր Հովհաննես Սահակյանը, անդրադառնալով ՀՀ հիմնադիր նախագահ Լևոն Տեր-Պետրոսյանի վերջին հայտարարությանը, նշեց, որ իր կարծիքով ճիշտ չէ, երբ մեղքը սկսում ենք բարդել այս կամ այն կողմի վրա։
«Ճիշտ չի մեղքը բարդել սրա-նրա վիզը և ասել, որ դա առաջին հերթին իշխանությանն է անհրաժեշտ (երկխոսությունը.- 1in.am)։ Եթե մենք ապրում ենք մի տարածքում, որը կոչվում է Հայաստանի Հանրապետություն, որտեղ մեր պետությունն ու պետականությունն է ստեղծված, ուրեմն այստեղ մտահոգող ցանկացած հարց պետք է մտահոգի բոլորին, պետք է լինի բոլորինը, և եթե ինչ-որ բան չի կատարվում, յուրաքանչյուրն իր մեղքի բաժինն ունի»։
Հովհաննես Սահակյանը «Առաջին լրատվականի» հետ զրույցում նաև նշեց, որ ցանկացած խնդրի և «չկատարվածի համար որպես իր ձեռքին ռեսուրսներ ունեցող, որոշ դեպքերում նաև կատարող, կոնկրետ գործառույթ իրականացնող իստիտուտ ավելի մեծ մեղքի բաժին ունի, պատասխանատու է իշխանությունը, բայց պակաս մեղքի բաժին էլ չունի ընդդիմությունը»։
Պատգամավորի կարծիքով, երկխոսությունը բոլորին է պետք. «Պետք չի առանձնացնել իշխանությանը»,- հորդորում է Հովհաննես Սահակյանը։