Այսօր ԵԽԽՎ պատվիրակության անդամ, ԲՀԿ ԱԺ պատգամավոր Նաիրա Զոհրաբյանից հետաքրքրվեցինք, որ եթե Սերժ Սարգսյանը երկխոսության չի գնում, արդյո՞ք միայն քաղբանտարկյալների ազատ արձակումը բավական է, որ միջազգային հանրությունը, մասնավորապես ԵԽԽՎ-ն բավարար համարեն Հայաստանի իշխանության քայլերը՝ առանց գործնական քայլերի՝ երկխոսության, չնայած եվրոպական բոլոր պաշտոնյաները ողջունում էին համաներումը և շուտափույթ երկխոսելու կոչ անում:
Ի պատասխան ԲՀԿ-ական պատգամավորն արձագանքեց, թե չգիտի՝ ինչ նկատի ունենք երկխոսություն ասելով և ավելացրեց. «Իմ գնահատմամբ, երկրում ընթանում է նորմալ քաղաքակիրթ երկխոսություն: Ինչը, իմ կարծիքով, բավարար կհամարի նաև ԵԽԽՎ-ն»:
Մենք փորձեցինք լսել նաև ԵԽԽՎ հայաստանյան պատվիրակության նախագահ Դավիթ Հարությունյանի կարծիքը, սակայն նա բացակայում էր Հայաստանից: