ԵՄ ղեկավարությունը վրացական կառավարության ներկայացուցիչների հետ կքննարկի Վրաստանի հետ ասոցացման համաձայնագրի արդյունքները և կգնահատի դրա իրագործման առաջընթացը։
Երկուշաբթի վարչապետ Գեորգի Կվիրիկաշվիլիի գլխավորած պատվիրակությունը կժամանի Բրյուսել։
Հանդիպումից հետո կկայանա ասուլիս՝ նվիրված Վրաստանի ներքաղաքական իրադարձություններին, մասնավորապես տեղական ընտրություններին և սահմանադրական բարեփոխանը։
Բացի այդ, Ասոցացման խորհուրդը ծրագրում է քննարկել Վրաստանում մարդու իրավունքներին առնչվող իրավիճակը, ինչպես նաև համագործակցությունն անվտանգության և պաշտպանության ոլորտներում։
Սեպտեմբերին վրացական խորհրդարանը հավանություն էր տվել սահմանադրական ուղղումներին, որոնք կոշտ քննադատության են ենթակվել ընդդիմության կողմից։ Ընդդիմադիր կուսակցությունները դրանք անվանել են անարդար և ուղղված այն բանին, որպեսզի թույլ տան իշխող «Վրացական երազանք» կուսակցությանն անսահմանափակ ժամանակով մնալ իշխանության ղեկին։
Անցած տարվա մարտի 28-ին Վրաստանի և ԵՄ-ի միջև սկսել է գործել առանց վիզայի ռեժիմը։
2016 թվականի հուլիսի 1-ից ուժի մեջ է մտել ԵՄ-Վրաստան ասոցացման համաձայնագիրը, որը ստորագրվել էր 2014 թվականին։
