Աֆղանստանի նախագահ Համիդ Քարզայը երեկ կոչ է արել խռովարարներին վայր դնել զենքը և դադարեցնել բռնարարքները: «Խնդրում եմ և հուսով եմ, որ մեր բոլոր եղբայրներն ու հայրենակիցները, ովքեր դժգոհ են և այս կամ այն պատճառով զենք են բարձրացրել սեփական երկրի դեմ, կարձագանքեն աֆղան ժողովրդի խաղաղ ջանքերին»,- ասել է նա այսօր մահմեդականների կողմից նշվող Իդ ալ Ադհա տոնի կապակցությամբ:
Քարզայը, որը բազմիցս խաղաղության է կոչել խռովարարներին, մոտ մեկ տարի առաջ հանդես Է եկել հաշտության ծրագրով, որը նպատակ ունի հասնելու այն բանին, որպեսզի «Թալիբան»-ի մեծ թվով կողմնակիցներ անցնեն կառավարության կողմը՝ դրա դիմաց ստանալով բնակարան, գոյամիջոցներ ու աշխատանք: Քաղաքացիական հասարակության մեջ գրոհայինների ինտեգրմանն ուղղված իր ռազմավարության շրջանակներում Աֆղանստանի ղեկավարը սեպտեմբերի սկզբին ստեղծել է Խաղաղության գերագույն խորհուրդ, որի կազմում ընդգրկվել է 70 մարդ, այդ թվում՝ նախկին դաշտային հրամանատարներ, կրոնական առաջնորդներ, քաղաքացիական կազմակերպությունների ներկայացուցիչներ,- հայտնում է РИА НОВОСТИ-ն: