Ռուսաստանյան «Կոմսոմոլսկայա Պրավդան» այսօր հայտնում է, որ Հայ ազգային կոնգրեսի համակարգող Լևոն Զուրաբյանը Մոսկվայում` քաղաքական կոնսուլտացիաների շրջանակում մի շարք հանդիպումներ է ունեցել ռուսաստանյան կառավարական և քաղաքական շրջանակների հետ. «Հանդիպումների ընթացքում քննարկվել են հարցեր Հայաստանի քաղաքական և տարածաշրջանային գործընթացների վերաբերյալ:
Զուրաբյանը ներկայացրել է ՀԱԿ-ի քաղաքական դիրորոշումը Հայաստանում ստեղծված իրավիճակի վերաբերյալ: Կողմերը հանդիպումներում կարծիքներ են փոխանակել և շեշտել հետագա փոխգործակցության խորացման կարևորությունը:
Կողմերն իրենց պատրսատակամությունն են հայտնել ռուս-հայկական ռազմավարական դաշնակցային հետագա հարաբերությունների խորացման հարցում», տեղեկացնում է թերթը, հավելելով, որ քաղաքական կոնսուլտացիաները և քննարկումները կարող են շարունակվել տարբեր ձևաչափերով:
«Զուրաբյանի կարծիքով` ՀԱԿ-ը որպես քաղաքական հզոր կառույց` շահագրգռված և հետաքրքրված է Ռուսաստանի և Հայաստանի միջև քաղաքական, տնտեսական և ռազմաստրատեգիական արդյունավետ համագործակցությամբ»:
