Kavkaz-news.info կայքի փոխանցմամբ՝ Վրաստանի ԱԳՆ-ն ողջունել է երեկ Նիժնի Նովգորոդում կայացած ԵՄ-Ռուսաստան գագաթնաժողովում Եվրախորհրդարանի ընդունած բանաձևը, որում Ռուսաստանին կոչ է արվել կատարել 2008 թվականի օգոստոսի 12-ին կնքված զինադադարի համաձայնագրի բոլոր կետերը.
«Այդ բանաձևը մասնավորապես ի ցույց դրեց այն, որ Վրաստանի դեմ ձեռնարկած ռազմական ագրեսիայից և էթնիկ մաքրումից երեք տարի անց Ռուսաստանը չի կատարում 2008 թվականի օգոստոսի 12-ին կնքված զինադադարի համաձայնագիրը և ԵՄ դիտորդական առաքելությանը թույլ չի տալիս իր աշխատանքը կատարել Վրաստանի օկուպացված շրջաններում։
Այդ բանաձևը հերթական անգամ ապացուցում է, որ միջազգային հանրությունն աջակցում է Վրաստանի տարածքային ամբողջականությունը և ինքնիշխանությունը»։
Հիշեցնենք, որ Եվրախորհրդարանը Եվրոպայի խորհրդին կոչ է արել առաջ քաշել Վրաստանի օկուպացված տարածքներից ռուսական զորքերի դուրսբերման վերաբերյալ Ռուսաստանի ստանձնած պարտականությունների չկատարման հարցը և նշել, որ քանի դեռ Ռուսաստանը շարունակում է անձնագրեր բաժանել Վրաստանի տարածքում (Աբխազիա ու Հարավային Օսիա), չի քննարկվելու Ռուսաստանի ու Եվրոպայի միջև անցագրային ռեժիմի վերացման հարցը։
