Ուզբեկիստանի Ֆերգանայի շրջանում 11 ամսական փոքրիկի մարմնում բժիշկները 16 ասեղ են հայտնաբերել։
Ըստ տեղեկությունների՝ երեխային բժշկի է բերել մայրը, ով բողոքել է, որ երեխան միզելու հետ կապված խնդիրներ ունի։ Բժիշկներին ցնցել է ռենտգեն հետազոտության արդյունքը։ Նկարում, երեխայի մարմնի տարբեր մասերում, ասեղներ են երևացել։
Փոքրիկին շտապ վիրահատել են։ Նրա մարմնից տասներեք ասեղ են հանել, ևս երեքը պատրաստվում են հանել հաջորդ վիրահատության ժամանակ։ Վիրահատությունը տևել է ինը ժամ։ Այժմ փոքրիկը գտնվում է վերակենդանացման բաժանմունքում։
Հաշվի առնելով այն փաստը, որ ասեղները մարմնի տարբեր մասերում են եղել, բժիշկները եզրակացրել են, որ երեխան չէր կարող ինքը դրանք կուլ տված լինել։ Նրանք վստահ են, որ ինչ որ մեկն է դրանք մտցրել։ Այժմ հետաքննություն է ընթանում։