Ted
«TED + www.1in.am «Առաջին Լրատվական»»՝ համաշխարհային հանրահայտ կրթական հարթակի և կայքէջի համատեղ նախագիծն է։ Այսուհետ TED-ի ամենահայտնի ելույթները, ծիծաղաշարժ և հետաքրքիր մուլտֆիլմերը հասանելի կլինեն www.1in.am-ում՝ հայերեն և ռուսերեն լեզուներով։
*
TED Talks. Արիաննա Հաֆինգտոն. ինչպես հասնել հաջողությա՞ն. բավարար քնե՛ք

Իմ մեծ գաղափարը, որն իրականում շատ շատ փոքր միտք է, որը կարող է ճանապարհ հարթել միլիարդավոր մեծ գաղափարների համար, որոնք այս պահին քնած են մեր մեջ: Եվ իմ փոքր գաղափարը` քունն է:

Սա նպատակասլաց կանանցով լի սենյակ է: Այս սենյակում քնի պակասով տառապող կանայք կան: Ես իմ ծանր փորձի հետևանքով եմ զգացել քնի գինը: Երկուսուկես տարի առաջ ես ուշաթափվեցի ուժասպառությունից: Գլուխս հարվածեցի սեղանիս, այտոսկրս կոտրեցի, աջ աչքիս վրա հինգ կար դրեցին: Եվ ես սկսեցի քնի գինը վերաբացահայտելու իմ ճահապարը: Եվ այդ ընթացքում, ես շատ բան իմացա: Ես հանդիպեցի բժիշկների, գիտնականների և հիմա ցանկանում եմ ձեզ պատմել, որ առավել արդյունավետ, առավել ոգեշնչված և երջանիկ կյանքի համար հարկավոր է բավարար քնել:

Եվ մենք, կանայք, պետք է դառնանք այս նոր հեղափոխության, այս նոր ֆեմինիստական խնդրի առաջնորդ: Մենք բառացիորեն պատրաստվում ենք անկողնու միջոցով հասնել բարձրունքի:

Քանի որ, դժբախտաբար, տղամարդկանց համար քնի պակասը դարձել է առնականության խորհրդանիշ: Վերջերս մի տղայի հետ էի ճաշում, որը գլուխ էր գովում, որ միայն չորս ժամ է քնել նախորդ գիշեր: Քիչ էր մնում ասեի (չնայած չասեցի).. ուզում էի ասել. «Գիտե՞ս ինչ: Եթե գոնե մի հինգ ժամ քնեիր, այս ճաշը գուցե շատ ավելի հետաքրքիր լիներ»:

Սա քնի պակասի մի նոր տեսակ է` սեփական առավելությունը ցուցադրելու համար: Հատկապես այստեղ, Վաշինգտոնում, եթե որևէ մեկի հրավիրել նախաճաշի, և ասել. «Հանդիպենք ժամը 8-ի՞ն»: Ամենայն հավանականությամբ ձեզ կպատասխանեն. «8-ը արդեն ուշոտ է, բայց ոչինչ, ես կհասցնեմ մի ռաունդ թենիս խաղալ, մի երկու կոնֆերանս-զանգեր կանեմ և 8-ին կտեսնվենք»: Եվ նրանք կարծում են, որ դա նշանակում է, որ նրանք այդպիսի չտեսնված զբաղված և արդյունավետ են, սակայն իրականում դա այդպես չէ, քանի որ հիմա, մեր փայլուն ղեկավարները բիզնեսում, քաղաքականության մեջ, ֆինանսական ոլորտում, սարսափելի որոշումներ են կայացնում: Այնպես որ բարձր I.Q.-ն, չի նշանակում, որ դուք լավ առաջնորդ եք, քանի որ առաջնորդության իմաստը նրանում է, որպեսզի հասցնել տեսնել այսբերգը, մինչև այն բախվի Տիտանիկի հետ: Իսկ մեր Տիտանիկների հետ չափից շատ այսբերգ է բախվել:

Ինձ մոտ այնպիսի զգացում է, որ եթե Լեման եղբայրների բանկը կառավարեին Լեման եղբայրները և քույրերը, այն կարող էր դեռևս մնալ ջրի երեսին: (Ծափահարություններ) Այն ժամանակ, երբ բոլոր եղբայրները զբաղված էին օրական 24 ժամ, շաբաթական 7 օր աշխատելով, քույրը, հավանաբար, կնկատեր այսբերգը, քանի որ նա կարթնանար 7,5 կամ 8 ժամվա քնից, և կհասցներ տեսնել ամբողջական պատկերը:

Այժմ մեզ բաժին են ընկել բազմաթիվ ճգնաժամներ ողջ աշխարհով մեկ: Այն, ինչը որ մեր անձականի համար օգտակար է, ինչը ավելի շատ ուրախություն, երախտագիտություն, արդյունավետություն կբերի մեր կյանք, կօգնի մեր կարիերային, նաև օգուտ կբերի ողջ աշխարհին: Այնպես որ ես կոչ եմ անում ձեզ փակել աչքերը և բացահայտել այն մեծ գաղափարները, որոնք թաքնված են մեր մեջ: Անջատեք շարժիչները և ձեզ համար բացահայտեք քնի ուժը: