Արդեն երկար ժամանակ է, ինչ քննարկվում է այն հարցը, թե ինչպես է աշխատելու Facebook-ի նորամուծությունը, որը թույլ է տալիս ավտոմատ պիտակել մարդկանց նկարների վրա՝ համեմատելով դեմքի պարամետրերը սոցիալական ցանցում արդեն եղած պիտակված նկարների հետ:
Facebook-ը երեկ ներողություն է խնդրել իր այն օգտատերերից, որոնց բազայում եղած նկարների վրա այդ համակարգը պիտակել էր առանց իրենց թույլտվության: Այս մասին հաղորդում է Sky News-ը՝ հղում կատարելով սոցցանցի պաշտոնական կայքին: Ցուկերբերգի հիմնադրած ցանցն ընդունել է, որ այս նորամուծությունների մասին պետք է իր օգտատերերին տեղեկացներ մինչև համակարգի ներդրումը:
Ընկերությունը խորհուրդ է տվել մտնել հաշվի կարգավորումներ բաժին, որտեղ հնարավորություն է տրված նշելու, թե օգտատիրոջ կողմից կոնկրետ որ գործողություններն են համակարգին թույլատրվում պիտակել: Այդ ծառայությունը կարելի է ընդհանրապես անջատել:
Հիմա Facebook-ի ղեկավարությունը հայտարարել է, որ հաշվի առնելով բոլոր բողոքները՝ ծառայությունն աշխատելու է միայն նոր վերբեռնված նկարների դեպքում: