ՀՀ ԱՎԾ-ն ողջ 2009 թ. ընթացքում իրականացրել է «Ոչ ֆորմալ հատվածը և ոչ ֆորմալ զբաղվածությունը Հայաստանում» հետազոտությունը, որի ներկայացումը տեղի ունեցավ այսօր: Այս հետազոտության արդյունքները, առաջին հերթին` գործազրկության և զբաղվածության առումով, շատ հաճախ չեն համապատասխանում ԱՎԾ-ի կողմից պարբերաբար հրապարակվող վիճակագրական տվյալների հետ: Այս տարբերությունների պատճառը մեթոդաբանությունն է: Ըստ այդմ, եթե ըստ պաշտոնական վիճակագրության՝ Հայաստանում պաշտոնապես գրանցված գործազրկության մակարդակը տատանվում է 7-8%-ի շրջանակներում, ապա ըստ այս հետազոտության՝ գործազրկության մակարդակը 2009 թ. համար կազմել է 18.7%: Հետազոտությունը նաև շատ ուշագրավ տեղեկություններ է պարունակում ոչ ֆորմալ զբաղվածության վերաբերյալ: Ըստ այդմ` զբաղվածության ընդամենը 52.1%-ը եղել է ոչ ֆորմալ, որը համարժեք է ոչ ֆորմալ բնույթի 621.7 հազար աշխատատեղերին: Այսինքն` Հայաստանում 621 հազար աշխատատեղ կա, որը գրանցված չէ: