ԵՄ ահաբեկչության դեմ պայքարի հանձնակատար Ժիլ դը Կերշովը հայտարարել է, որ ԵՄ-ն չի կիսում Թուրքիայի տեսակետը գյուլենական շարժումը ահաբեկչական կազմակերպություն համարելու հարցում: Այս մասին հայտնում է ֆրանսիական «Յառաջ»-ը:
Reuters-ին տված հարցազրույցում նա ասել է. «Մենք այդ շարժումը ահաբեկչական կազմակերպություն չենք համարում, և մոտ ապագայում ԵՄ-ի դիրքորոշումը չի փոխվի»։
Հանձնակատարը նշել է, որ դիրքորոշման փոփոխություն ակնկալելու համար նախ պետք է հակառակը ապացուցող փաստեր ներկայացնել ԵՄ-ին:
«Ոչ թե ձայնագրությունների հավելվածներ (խոսքը գյուլենականների ձայնագրությունների մեջ հայտնաբերված ByLock ծածկագրային հավելվածի մասին է-ՆՅ) գործածելու նման անուղղակի փաստեր, այլ հստակ, շոշափելի փաստեր են անհրաժեշտ, որոնք կապացուցեն, որ գյուլենականները կապ ունեն հեղաշրջման փորձի հետ»,- շեշտել է Կերշովը: