Չինաստանը շրջանցել է ԱՄՆ-ին սպառվող էներգիայի քանակով և աշխարհում զբաղեցրել է առաջին տեղը: Այս մասին ասվում է British Petroleum ընկերության հետազոտության մեջ, որտեղ հաշվի են առնվել 2010 թ. տվյալները:
Չինաստանին բաժին է ընկնում էներգասպառման 20.3%-ը, իսկ ԱՄՆ-ին՝ 19.0%-ը: Համաձայն այդ հետազոտության՝ էներգիայի սպառումը Չինաստանում աճել է 11.2%-ով, իսկ ԱՄՆ-ում՝ 3.7%-ով: Հիմնականում Չինաստանի շնորհիվ էներգիայի համաշխարհային սպառումը աճել է 5.6%-ով: Սա ամենամեծ աճն է սկսած 1973թ.-ից:
Բացի այդ, Չինաստանը դարձել է ածխի ամենամեծ սպառողը, նրան բաժին է հասնում համաշխարհային սպառման շուկայի 48%-ը: ԱՄՆ-ն, իր հերթին, պահպանել է առաջատարի դիրքերը նավթի սպառման ոլորտում, նրան բաժին է հասնում 21%-ը, ինչը երկու անգամ ավելի է, քան Չինաստանում: Այս մասին հաղորդում է Associated Press գործակալությունը: