Բրազիլուհի Ժիզել Բունդհեմը, ով 7 տարի շարունակ գլխավորում էր աշխարհի ամենաբարձր վարձատրվող մոդելների ցուցակը, կարող է դառնալ նորաձևության ոլորտի առաջին միլիարդատերը: Ինչպես նշում է Forbes ամսագիրը, Ժիզելը համենայնդեպս շատ մոտ է դրան:
Նշվում է, որ չնայած նրա տարեկան եկամուտը կազմում է մոտ 45 մլն դոլար՝ վերջին տաս տարիների ընթացքում նա 250 միլիոն դոլարի ներդրում է կատարել: Մեծ գումարներ կուտակելուն նպաստում են նաև նրա բնավորության գծերը. Ժիզելը քիչ ծախսող է և շատ կուտակող:
Ժիզել Բունդհեմն ունի իր սեփական ապրանքանիշը, արտադրում է կոշիկներ, զգեստներ, կանանց ներքնաշորեր, որոնք հայտնի են Բրազիլիայում: Նա ունի նաև անշարժ գույքի շատ օբյեկտներ՝ հյուրանոցներ, հողատարածքներ և այլն: Forbes-ի կանխատեսմամբ՝ ևս մի քանի հաջող գործարք, և հայտնի դերասան Լեոնարդո դի Կապրիոյի չստացված կինը կարող է վստահաբար դասվել աշխարհի ամենահարուստ մարդկանց շարքը:
