Իրանի, Ռուսաստանի և Թուրքիայի նախագահների համատեղ հայտարարությունը ՄԱԿ-ի Անվտանգության խորհրդի կողմից տարածվել է որպես պաշտոնական փաստաթուղթ: Այս մասին հայտնում է RIA Novosti-ն:
Երեք երկրների մշտական ներկայացուցիչները նոյեմբերի 22-ին համապատասխան հայցով դիմել են Խորհրդի նախագահին: ԱԽ-ի գործող նախագահ՝ Իտալիայի մշտական ներկայացուցիչ Սեբաստիանո Կարդին ԱԽ անդամներին տեղեկացրել է, որ նամակում հիշատակված հայտարարությունը «կարձակվի որպես ԱԽ-ի փաստաթուղթ»:
Ռուսաստանի, Իրանի և Թուրքիայի նախագահներ Վլադիմիր Պուտինը, Հասան Ռոհանին և Ռեջեփ Թայիփ Էրդողանը Սոչիում նոյեմբերի 22-ի գագաթնաժողովի արդյունքներով ընդունել են հայտարարություն, որում, մասնավորապես, կոչ են արել շարունակել Սիրիայում լարվածության լիցքաթափումը, հաստատել են իրենց համագործակցության շարունակումը՝ հանուն ահաբեկիչների վերջնական ոչնչացման, և պաշտպանել են միջսիրիական լայն երկխոսությունը: