Ռուսական Regnum գործակալության փոխանցմամբ՝ Ադրբեջանի արտգործնախարար Էլմար Մամեդյարովն անդրադարձել է ղարաբաղյան հակամարտության կարգավորմանը.
«Սկզբունքորեն հայկական կողմը համաձայնել է Լեռնային Ղարաբաղին հարակից շրջանների ազատմանը։ Սակայն դրա հետ մեկտեղ նա առաջ է քաշում Ղարաբաղի կամարտահայտության անցկացման ժամկետի հստակեցման հարցը։
Դրա համար էլ «Ճանապարհային քարտեզի» մի շարք հարցեր մնում են չհամաձայնեցված։ Դրանց համաձայնեցումը ճանապարհ կհարթեր խաղաղ համաձայնության մշակման համար»։
Ի պատասխան այն հարցի, թե արդյոք Կազանում կհամաձայնեցվե՞ն Մադրիդյան սկզբունքները, Մամեդյարովը նշել է. «Այդ մասին խոսելը վաղաժամ է, ես Նոստրադամուսը չեմ»։
Զինադադարի պայմաններում զոհերի ու միջադեպերի շարունակական գրանցման հետ կապված՝ Մամեդյարովը նշել է, որ շփման գծից դիպուկահարների դուրսբերման հարցը չի լուծի այդ խնդիրը, քանի որ մարդիկ զոհվում են ոչ միայն նրանց կրակոցներից։
