Ինչպես նշվում է ՄԱԿ-ի Պարենի և գյուղատնտեսական կազմակերպության (FAO) զեկույցում, հիմնական սննդամթերքների գները երկու անգամ աճ կարձանագրեն առաջիկա տասնամյակների ընթացքում: Այս մասին հաղորդում է Bloomberg գործակալությունը:
Եգիպտացորենի գների ինդեքսն արդեն աճել է 82%-ով, ռեկորդային է եղել նաև մսի ինդեքսի աճը, քանի որ բարձրացել են տավարի և ոչխարի, ինչպես նաև խոզի և թռչնի մսի գները:
Զեկույցում ասվում է, որ գնային տատանումները կպահպանվեն նաև առաջիկա տարիների ընթացքում. պահանջարկի և առաջարկի միջև եղած տարբերության պատճառով պարենի գները կմնան կայուն բարձր: Այս մասին ասել է FAO-ի գլխավոր տնօրեն Հաֆեզ Ղանիմը:
Մոտ 44 միլիոն մարդ արդեն գտնվում են աղքատության շեմից ցածր՝ կապված սննդի գների վտանգավոր աճի հետ: Եվս 10 միլիոն մարդ կհամալրեն այդ ցուցակը, եթե գները բարձրանան 10%-ով: Նշվում է նաև, որ սովյալների թիվն աշխարհում 2009 թ. 1 մլրդ-ից 2010 թ. կրճատվել է մինչև 925 միլիոնը: