Ոստիկանության հասարակայնության հետ կապերի վարչության աշխատակից Արմեն Մալխասյանըի այսօր «Առաջին լրատվականի» հետ զրույցում տեղեկացնում է, որ Նուբարաշենում տարածված ջրի վարակի հետո հարուցված քրեական գործի քննությունը շարունակվում է։ Հիշեցնեք, որ գործի առթիվ Ոստիկանության Էրեբունու քննչական բաժնում հարուցվել է քրեական գործ՝ քրեական օրենսգրքի 279 հոդվածի երկրորդ մասի երկրորդ կետով։
Մինչ շարունակվում է հետաքննությունը, իրականացնվել են հետևյալ գործողությունները՝ համաճարակը կանխելու համար.
1. կատարվել են բակային համայցեր՝ հիվանդների վաղաժամ հայտնաբերման, բուժման կազմակերպման և վարակի հետագա տարածումը կանխարգելելու նպատակով.
2. հունիսի 3-7-ը «Նորք» ինֆեկցիոն հիվանդանոց է տեղափոխվել աղիքային խանգարումներով 60 հիվանդ՝ միջին և թեթև ծանրության, որոնցից 23-ը դուրս են գրվել լավացումով, մյուս հիվանդները ունեն լավացման դրական դինամիկա: Դուրս գրումները շարունակվում են.
3. ՀՀ ԱՆ կողմից հոսպիտալացված հիվանդների տնային օջախներում կազմակերպվել են ախտահանման աշխատանքներ.
4. աղեստամոքսային խանգարումներով անձանցից կատարվել են նմուշառումներ լաբորատոր հետազոտությունների համար, անջատվել է դիզենտերիայի հարուցիչ՝ S. flexneri 3a, էնտերովիրուս.
5. բնակչության շրջանում կազմակերպվել և իրականացվել են բժշկահիգիենիկ գիտելիքների տարածում և առողջ ապրելակերպի քարոզչություն՝ կոնտակտ-կենցաղային ճանապարհով հիվանդության տարածումը, կրկնակի դեպքերի առաջացումը կանխարգելելու նպատակով.
6. ջրամատակարարման համակարգից իրականացվել են նմուշառումներ՝ մանրէաբանական և քիմիկական լաբորատոր հետազոտությունների նպատակով: Հետազոտությունները շարունակվում են.
7. առկա տվյալների հիման վրա ՀՀ ԱՆ մասնագետների կողմից իրականացվել է համաճարակաբանական վերլուծություն, որի արդյունքում կատարվել է դեպքերի քարտեզագրում՝ համադրելով ջրագծերի հետ: Արդյունքում հայտնաբերվել է ջրագծի 1 վթար /հասցե 11 փողոց, 16 տան հարևանությամբ/, որը կարող է հիվանդության առաջացման հավանական պատճառ հանդիսանալ:
«Երևան ջուր» ՓԲԸ-ի հարավային մասնաճյուղի մասնագետների կողմից իրականացված աշխատանքների արդյունքում վթարն արդեն վերացվել է: