РИА Новости-ի փոխանցմամբ՝ թուրքական ոստիկանությունը Բոդրում հանգստավայրում անորակ ալկոհոլից թունավորված և մահացած ռուս զբոսաշրջիկների գործի շրջանակներում առգրավել է կեղծված ալկոհոլի 7000 շիշ և ձերբակալել 22 մարդու։ Ձերբակալությունները տեղի են ունեցել թուրքական միանգամից 4 նահանգներում, այդ թվում՝ նաև Անթալիայում ու Ստամբուլում։
Նշվում է, որ անորակ ալկոհոլի գործածման պատճառով Անթալիայի հիվանդանոցում մահացել էին ռուս զբոսաշրջուհիներ Մարիա Շալյապինան և Այգուլ Զալյաևան։ Մի քանի օր անց Մոսկվայի հիվանդանոցում մահացել էր Թուրքիայից քիչ առաջ վերադարձած Մարինա Շևելևան։ Իսկ երկուշաբթի օրը թուրքական Դենիզլիի հիվանդանոցում մահացել էր Ալեքսանդր Ժուչկովը։
Հիշեցնենք, որ առավել վաղ նշվում էր, որ ռուս զբոսաշրջիկները թունավորվել են կիպրացի թուրքերի ներկրած Mister Burdon վիսկիից։