Այսօր Երևանում տեղի ունեցավ «Արևելյան գործընկերության» երկրներում իրականացվող ՎԶԵԲ-ի TAM (Շրջադարձային կառավարման խումբ) /BAS (Գործարար խորհրդատվության ծառայություն) ծրագրի պաշտոնական բացումը, որը ֆինանսավորվում է ԵՄ կողմից։
Միջոցառման մասնակիցներն էին Վերակառուցման և զարգացման եվրոպական բանկի երևանյան գրասենյակի ղեկավար Վալերիու Ռազլոգը (Valeriu Razlog), ՀՀ էկոնոմիկայի փոխնախարար Կարինե Մինասյանը, TAM/BAS ծրագրի տնօրեն Շարլոտ Ռուհեն (Charlotte Ruhe), Հայաստանում Եվրահանձնաժողովի պատվիրակության ղեկավար Ռաուլ դե Լուցենբերգերը։
Վալերիու Ռազլոգը իր խոսքում նշեց, որ Եվրամիությունը տրամադրել է հավելյալ 5 միլիոն եվրո՝ աջակցելու TAM/BAS ծրագրին։ BAS ծրագիրը Հայաստանում հիմնադրվել է 2003 թ։ Մինչ այժմ Հայաստանում իրականացվել է 842 BAS նախագիծ՝ դոնորներից ներգրավելով ավելի քան 5.3 մլն եվրոյի ֆինանսավորում։
