Այսօր լրագրողները հետաքրքրվեցին, թե Գեորգի Վանյանն արդյոք նո՞ւյն կարծիքն ունի Խոջալուի և Սումգայիթի մասին: Ըստ Վանյանի` ինքը երբեք չի թաքցրել իր վերաբերմունքը, եղել է տասը մարզերում, շատ շրջաններում և խոսել Խոջալուի մասին: «Մեր հասարակության մեջ կա այդ տաբուն՝ չխոսել Խոջալուի մասին, Ադրբեջանում կա տաբու Սումգայիթի մասին: Երբ Ադրբեջանում կխոսեն Սումգայիթի մասին, Հայաստանում Խոջալուի, մենք որակական նոր քայլ կկատարենք, և գլադիատորների հարևանությունից, այն է` մեր խնամակալի խնամակալությունից դուրս կգանք, երկու հարևան ժողովուրդներով կկանխենք հաջորդ Խոջալուները, Սումգայիթները»,- ասել է Գերոգի Վանյանը` փաստելով, որ ինքը հավասարության նշան է դնում Խոջալուի և Սումգայթի միջև, քանի որ դա ծրագրավորվել է նույն կենտրոնի՝ Կրեմլի կողմից մեր և ադրբեջանցիների ձեռքերով:
