Ադրբեջանական APA լրատվական գործակալության փոխանցմամբ, Ադրբեջանի արտգործնախարար Էլմար Մամեդյարովը լրագրողներին հայտարարել է, թե ԵԱՀԿ Մինսկի խմբի համանախագահներն իրենց հետ նոր առաջարկներ չեն բերել Բաքու։
Մամեդյարովը հավելել է, որ այսօր համանախագահները Բարդայի շրջանից կմեկնեն Լեռնային Ղարաբաղ, որտեղից էլ՝ Երևան, ուր և համապատասխան բանակցություններ կվարեն։
Հիշեցնենք, որ արդեն շաբաթ օրը Մոսկվայում տեղի է ունենալու Հայաստանի, Ադրբեջանի և Ռուսաստանի արտգործնախարարների հանդիպումը, ինչից երկու շաբաթ անց էլ Կազանում կկայանա երեք երկրների նախագահների հանդիպումը։