Այսօր Երևանի պետական համալսարանում մեկնարկեցին ընդունելության հերթական միասնական քննությունները: Այսօր դիմորդները քննություն են հանձնում «Աշխարհագրություն», «Ընդհանուր պատմություն», «Կենսաբանություն» առարկաներից:
ԳԹԿ-ի նախապես հրապարակած տվյալների համաձայն՝ «Աշխարհագրություն» առարկայից քննությանը պետք է մասնակցեր 5, «Ընդհանուր պատմությունից»՝ 2 և «Կենսաբանությունից»՝ 41 դիմորդ:
Քննության մեկնարկից հետո ԵՊՀ քննական կենտրոնի տնօրեն Գյուլնարա Փալիկյանը լրագրողներին տեղեկացրեց, որ բացակայում են միայն «Կենսաբանություն» առարկայից դիմում-հայտ ներկայացրած 4 դիմորդ, մյուսները ներկա են և մասնակցում են քննությանը:
Գյուլնարա Փալիկյանը նաև նշեց, որ այս տարի քննությունները համեմատաբար հանգիստ ընթացք ունեն, դիմորդներն ավելի օրինակելի և վերահսկելի պահվածք ունեն: Դա, ըստ քննական կենտրոնի ղեկավարի, կապված է թե՛ դիմորդների թվի, թե՛ տարիքի հետ: