«Ռոմա»-ն, «Ֆիորենտինա»-ն, «Կալյարի»-ն և «Լեչե»-ն կասկածվում են A սերիայում պայմանավորված հանդիպումներ անցկացնելու մեջ: Իտալական ֆուտբոլը կատարյալ խուճապի մեջ է. պայմանավորված հանդիպումների շղթան գնալով ավելի ու ավելի է երկարում, և անընդհատ նոր փաստեր են ի հայտ գալիս:
La Repubblica-ի հաղորդմամբ, նախկին ֆուտբոլիստ Մարկո Պիրանին, որը վերոնշյալ սկանդալի առանցքային դեմքերից է համարվում, քննիչներին 5 թիմերի անուններ է տվել, որոնց մասնակցությամբ հանդիպումների ելքերը նախապես որոշված են եղել: Բացի այդ, ոստիկանությունը կասկածներ ունի նաև «Սիենա»-ի և «Ատալանտա»-ի մասնակցությամբ հանդիպումների կապակցությամբ. վերջինները նոր են A սերիայում հանդես գալու իրավունք վաստակել:
Ավստրիական բուքմեյքերական գրասենյակները հաղորդում են A և B սերիաների 15 հանդիպումների մասին, որոնց ելքերի վրա, անկախ ռիսկայնությունից ու գործակցի նվազեցումից, խոշոր խաղադրույքներ են կատարվել: