Սիրիայի նախագահ Բաշար Ալ-Ասադը երկիրը հետագայում ղեկավարելու համար կորցրել է լեգիտիմությունը: Այս մասին հայտարարել է Ֆրանսիայի ներքին գործերի նախարար Ալեն Ժյուպեն՝ ելույթ ունենալով Վաշինգտոնի Բրուքինգս ինստիտուտում:
Նա նաև ասել է, որ Ֆրանսիան նպատակ ունի ՄԱԿ-ի Անվտանգության խորհրդին ներկայացնել բանաձև, որով կդատապարտվեն Սիրիայի իշխանությունների գործողությունները խաղաղ ցուցարարների դեմ: Այս մասին հաղորդում է Associated Press գործակալությունը:
Ժյուպեն ընդունել է, որ Ռուսաստանը հավանաբար կարգելափակի այս բանաձևի ընդունումը և վետո կսահմանի: Սակայն Ժյուպեն հույս է հայտնել, թե այն հզոր աջակցությունը, որ կցուցաբերեն ՄԱԿ ԱԽ մյուս անդամները ֆրանսիական բանաձևին, կարող է համոզել Մոսկվային վետո չկիրառել դրա նկատմամբ: «Գուցե երբ նրանք տեսնեն, որ 11 երկիր կողմ է քվեարկում բանաձևին, փոխեն իրենց կարծիքը»,- հույս է հայտնել է նախարարը: