Ինչպես կարծում է մի հեղինակավոր վերլուծական կայք՝ Մերձավոր Արևելքում Իրանի, Ռուսաստանի և Թորքիայի կոալիցիայի ձևավորումը նշանակում է տարածաշրջանում ԱՄՆ-ի և նրա արևմտյան դաշնակիցների լիակատար գերակայության վերջ: Այս մասին գրում է իրանական Khorasan պարբերականը՝ վկայակոչելով Douran վերլուծական կայքին:
Վերլուծաբանների շրջանում հայտնի Douran կայքն ուշադրությունը կենտրոնացնում է այդ կոալիցիայի ձևավորման և ԱՄՆ-ից տարածաշրջանի մյուս երկրների աստիճանական հեռացման վրա: Մերձավոր Արևելքում ուժերի աշխարհաքաղաքական դասավորությունը զգալիորեն փոխվում է, իսկ Ռուսաստանը, Թուրքիան, Իրանը և այդ կոալիցիային հարած Չինաստանը կայունորեն ամրապնդում են իրենց դիրքերը տարածաշրջանում, մինչ ԱՄՆ կայուն կերպով կորցնում է դրանք:
Արևմուտքի գերակայությունը Մերձավոր Արևելքում և Հյուսիսային Աֆրիկայում դարձավ ոչ միայն ամոթալի էջ տարածաշրջանի վերջին պատմության մեջ, այլև թափվեց դրա մշտական անկայունության և անվեջ ռազմական հակամարտություննրի շարքի առաջացման մեջ: Իրան-Ռուսաստան-Թուրքիա ռազմավարական «եռանկյունու» ձևավորման հետ իրերի նման դրությունը փոխվում է:
Մյուս կողմից, Douran-ի կայքում հրապարակված հոդվածում ընդգծվում է Ռուսաստան Սաուդյան Արաբիայի թագավորի այցի նշանակությունը: Հզոր մերձավորարևելյան միապետի՝ պատմության մեջ առաջին այցը Մոսկվա ոչ միայն ռևերանս է Ռուսաստանի կողմը, Մերձավոր Արևելքում պարզապես նրա աճող դերի ճանաչում չէ: Մոսկվայի համար դրական նախադեպ է, երբ Սաուդյան Արաբիայից և ԱՄԷ-ից հետո Եգիպտոսը և Լիբիան նույնպես կցանկանան Ռուսաստանին ճանաչել իրենց ռազմավարական գործընկերը:
Համապատասխանաբար, Սաուդյան Արաբիայի թագավոր Սալմանի այցը Մոսկվա կարող է ոչ միայն բերել ձեռնտու բազմամիլիարդանոց պայմանագրերի և առևտրատնտեսական համաձայնագրերի կնքման, այլև դառնալ լիովին իրական առաջին քայլը դեպի Սաուդյան Արաբիայի՝ որպես ՕՊԵԿ-ի առաջատար երկիր, և Ռուսաստանի միջև լիովին նոր ռազմական և աշխարհաքաղաքական միության ստեղծում:
Այդ ենթադրյալ դաշինքը ոչ միայն ուժեղ կազդի տարածաշրջանում Արևմուտքի շահերի վրա, այլև մեծ ազդեցություն կունենա ՕՊԵԿ-ի վրա կամ ընդհանրապես կփոխի այդ կազմակերպության դերը ժամանակակից աշխարհում:
Բացի դրանից՝ շատերի համար անսպասելի Մոսկվայի և Սաուդյան Արաբիայի այդ շփումները ցույց են տալիս, որ Պուտինը ևս հաշվի է առնում Մերձավոր Արևելքում տեղի ունեցող հիմնարար փոփոխությունները:
Կայքը եզրակացնում է՝ ներկայումս տարածաշրջանում ԱՄՆ-ի ավանդական դաշնակիցները, այսինքն՝ Սաուդյան Արաբիան, Եգիպտոսը, Թուրքիան և նույնիսկ ԱՄԷ-ն, գնալով ավելի շատ են դրսևորում հակում զարգացնելու ինչպես ռազմական, այնպես էլ՝ տնտեսական կապերը Մոսկվայի հետ, որն առայժմ իր հիմնական դաշնակից տարածաշրջանում Իրանին է համարում: