Ռուսաստանի նախագահ Դմիտրի Մեդվեդևը հայտարարել է, որ մոտ ժամանակներում նախատեսում է հանդիպում անցկացնել Իրանի նախագահ Մահմուդ Ահմադինեժադի հետ:
«Ռուսաստանի ձայնի» լրագրող ազգությամբ պարսիկ Շաֆիյա Ֆարզանեի այն պնդմանը, թե ռուս-իրանական հարաբերությունները կարիք ունեն նոր զարգացումների, Մեդվեդևն ասել է. «Ինչ վերաբերում է ռուս-իրանական հարաբերությունների արդիականացմանը, ապա մոտակա ժամանակներում ես հանդիպելու եմ Իրանի նախագահ Ահմադինեժադի հետ, ես նրան կասեմ դրա մասին»,- Մեդվեդևի խոսքերը մեջբերում է ITAR-TASS գործակալությունը:
Լրագրողները ենթադրել են, որ այդ հանդիպումը կարող է կայանալ արդեն այս տարվա հունիսի 15-ին Աստանայում, որտեղ տեղի է ունենալու Շանհայի համագործակցության կազմակերպության գագաթնաժողովը:
