«Առաջին լրատվականը» տեղեկացրել էր, որ Մարտի 1-ի զոհերի հարազատները մտադիր են ծայրահեղ միջոցների դիմել՝ հաշվի առնելով այն հանգամանքը, որ իրավապահները Մարտի 1-ի բացահայտման հարցում որևէ նշանակալի արդյունք չեն արձանագրել:
«Առաջին լրատվական»-ը քիչ առաջ Մարտի 1-ին զոհված Տիգրան Խաչատրյանի մորը՝ Ալլա Հովհաննիսյանին հարցրեց, թե Մարտի 1-ի զոհերի հարազատները ե՞րբ են մտադիր սկսել նախատեսված ակցիաները:
Ալլա Հովհաննիսյան նշեց, որ Մարտի 1-ի զոհերի հարազատները մտադիր են մի քիչ սպասել՝ տեսնելու, թե իշխանություններն ինչ քայլեր են ձեռնարկում, որպեսզի հետո չչքմեղանան, թե պատրաստակամ էին բացահայտումներ անել, բայց Մարտի 1-ի զոհերի հարազատները սկսեցին բողոքի ակցիաներ անցկացնել:
Բացի այդ, Ալլա Հովհաննիսյանը նշեց, որ հուլիսին սպասվում է ԵԽԽՎ Հայաստանի հարցով համազեկուցողների այցը, հուլիսի կեսին կլրանա Սերժ Սարգսյանի հանձնարարականի երեք ամիսը, ուստի այդ ժամանակ էլ Մարտի 1-ի զոհերի հարազատները համազեկուցողների այցից առաջ կորոշեն, թե բողոքի ինչպիսի ակցիաներ են անցկացնելու: