Այսօր քաղաքագետ Հմայակ Հովհաննիսյանը հայտարարեց, որ իշխանություններին մինչև վերջերս էլ ձեռնտու էր գնալ արտահերթ ընտրությունների, քանի որ իշխանությունները կոալիցիոն վերջին հուշագրով իրենց մեջ արդեն որոշել էին ապագա խորհրդարանում տեղերի բաշխվածությունը, իսկ նախագահական ընտրությունները խորհրդարանականից 1.5 ամիս ավելի ուշ անցկացնելը ետընտրական պրոցեսների տեսակետից անցանկալի կլիներ իշխանության համար։
Սակայն, ըստ Հ.Հովհաննիսյանի, ՀԱԿ-ի վերջին քայլերը (այն է՝ երկխոսության հետ կապված այս գործընթացը, սոցիալական բունտը զսպելու Լևոն Տեր-Պետրոսյանի պատրաստակամությունը և այլն) փոխեցին իշխանության դիրքորոշումը։ Այժմ, ըստ Հովհաննիսյանի, իշխանությանն ավելի ձեռնտու է գնալ հերթական ընտրությունների ճանապարհով, քանի որ ՀԱԿ-ի կողմից սոցիալական բունտը զսպելու և գործընթացները երկխոսության շուրջ կենտրոնացնելու պարագայում կարելի է հասնել հերթական ընտրություններին առանց որևէ ցնցումի։
«Այս երկխոսությունը ժամանակավրեպ է։ Եվ եթե չլիներ այս գործընթացը, կլինեին արտահերթ ընտրություններ»,- հայտարարեց Հ.Հովհաննիսյանը։
