ԵԿՄ նախագահ Մանվել Գրիգորյանը շնորհավորական ուղերձ է հղել Գյումրու օրվա կապակցությամբ.
«Եռասերունդ Երկրապահ կամավորականների միության, Հանրապետության բոլոր երկրապահների, 5-րդ բրիգադի մարտիկների, պատանի, երիտասարդ երկրապահների և իմ անունից ջերմորեն շնորհավորում եմ գյումրեցիներին, Շիրակի տարածաշրջանի բնակչությանը Գյումրիի տոնի կապակցությամբ: Գյումրին հինավուրց հայկական քաղաք է՝ ավանդապաշտ և հայրենասեր բնակչությամբ: Գյումրեցիները հայտնի արհեստավորներ և արվեստագետներն են, անվանի մարզիկներ, գիտնականներ, զինվորներ և զորահրամանատարներ: Հայոց պատմության մեջ Գյումրին մշտապես կարևոր նշանակություն և դերակատարում է ունեցել:
Գյումրվա, առհասարակ՝ Շիրակի տարածաշրջանի բնակչությունը հերոսական ժողովուրդ են: Գյումրեցիները կարողացան հերոսաբար դիմակայել 1988-ի ավերիչ երկրաշարժին, իրենց մեջ վերականգնվելու ուժ գտան և նույնիսկ առաջիններից մեկն օգնության ձեռք մեկնեցին իր ազատագրության համար պարտադրված պատերազմի մեջ հայտնված արցախահայությանը, մասնակցեցին ՀՀ սահմանների ինքնապաշտպանությանը: Գյումրեցիները, որ փառապանծ մասնակցություն էին ունեցել նաև հայրենական մեծ պատերազմում, արիաբար մասնակցեցին Արցախյան ազատամարտին: Իմ հրամանատարությամբ գործող լեգենդար 5-րդ բրիգադի կազմում ձևավորվել էր Գյումրիից մեկ մարտական գումարտակ և ուսումնական մեկ ստորաբաժանում:
Պատիվ եմ ունեցել լինելու առյուծ գյումրեցիների հրամանատարը, ես հպարտ եմ, որ նման քաջերի մարտական ընկերն եմ եղել: Գյումրին այսօր էլ պահպանում է ազգային դեմքն ու դիմագիծը, իրեն բնորոշ կոլորիտը: Գյումրեցիներն այսօր էլ տարբեր բնագավառներում պատվով են ներկայացնում հայ ազգը, Հայաստան պետությունը: Եվս անգամ շնորհավո՛ր ձեր տոնը, հարգելի՛ գյումրեցիներ, շնորհավոր բոլոր շիրակցիների, աշխարհասփյուռ հայ ազգի տոնը:
Մաղթում եմ ամենքիդ հաջողություններ, երջանկություն, առողջություն, մեր երկրին՝ խաղաղություն: Աստված պահապահ Գյումրիին, Շիրակին, Հայաստանի Հանրապետությանը, աշխարհասփյուռ հայ ազգին, բոլոր նահատակ ազատամարտիկներին և նրանց հարազատներին, եռասերունդ Երկրապահին:
