Հայաստանի հավաքականի գլխավոր մարզիչ Վարդան Մինասյանը «Եվրո-2012»-ի ընտրական փուլում Ռուսաստանի հավաքականից կրած պարտությունից հետո հայտարարել է, որ Սանկտ Պետերբուրգում իր թիմն ավելի լավ խաղաց, քան` Երևանում:
«Շնորհավորում եմ Ռուսաստանին հաղթանակի կապակցությամբ: Կարծում եմ, որ մենք ավելի լավ խաղացինք քան` Երևանում: Երբ հաշիվը 1:1 էր, հավասար խաղ էր ընթանում, մինչև առաջին սխալը: Սխալվեցինք մենք: Իսկ մեր դարպասին նշանակված 11-մետրանոց հարվածի և վերջնամասում չհաշված գոլի կապակցությամբ ոչինչ չեմ ասի. ես չեմ քննարկում մրցավարությունը: Մեր խնդիրն Արշավինին վնասազերծելը չէր, մեր խնդիրը Ռուսաստանի հավաքականին վնասազերծելն էր, ինչը չստացվեց:
Մենք փորձի պակասություն ունենք: Բերեզովսկու և Հովսեփյանի կողքին 20-22 տարեկան տղաներ են: Ժամանակ է հարկավոր: Չնայած Երևանում այսքան լավ չխաղացինք, բայց մեկ միավոր վաստակեցինք: եզ համար ամենակարևորն առաջ շարժվելն է»,- Վարդան Մինասյանի խոսքերն է մեջբերում soccer.ru-ն:
