Ինչպես ավելի վաղ տեղեկացրել էինք, «Ազատագրենք հուշարձանն օլիգարխից» նախաձեռնության մի խումբ ակտիվիստներ այսօր բողոքի ակցիա անցկացրեցին՝ «Ծածկած շուկայի» նախկին տեսքը վերականգնելու պահանջով:
Այսօր Սամվել Ալեքսանյանի պաշտպանների թվին էր ավելացել քաղաքագետ Սուրեն Սուրենյանցը, ով վերջերս ձերբակալվել, ապա, ինչպես այսօր տեսանք, ազատ է արձակվել:
Նա բարձրախոսով դիմեց «Ազատագրենք հուշարձանն օլիգարխից» նախաձեռնության անդամներին՝ ասելով, որ «Փակ շուկայի» խնդիր իրականում գոյություն չունի: Ըստ նրա՝ եթե այդ շուկան մնար պետական տնօրինման տակ, համապատասխան միջոցների բացակայության պատճառով մենք հիմա կունենայինք ավելի աղճատված, ավելի կազմաքանդված շուկա․ «Կառուցապատման շնորհիվ շուկան պահպանել է իր պատմամշակութային արժեքը, բոլոր շահարկումներն առ այն, որ շուկան աղճատված է՝ չի համապատասխանում իրականությանը»:
Բնականաբար, ներկաները սուլոցներով և անհամաձայնությամբ ընդունեցին Սուրենյանցի հայտարարությունները:
Սամվել Ալեքսանյանի պաշտպանության գործառույթը շարունակեց Սոցիալիստական կուսակցության նախագահ Ռոբերտ Ահարոնյանը՝ ներկաներին անվանելով «վարձուներ», «գրանտակերներ» և «ժամավճարով գոռացողներ»:
Մանրամասները դիտեք տեսանյութում:
