Աֆղանստանում թալիբները հրդեհել են ՆԱՏՕ–ի բենզատարները հսկող պահակախումբը, ինչի հետևանքով այրվել է 12 մեքենա,- հայտնում է РБК–ն։ Նանգարխար նահանգի Ջալալաբադ ավանում զինված գրոհայինների խումբը հարձակվել է պահակախմբի վրա: Փոխհրաձգության արդյունքում զոհվածների թվում եղել են երկու խաղաղ բնակիչներ։ ՆԱՏՕ–ի վառելիքը հսկող պահակախմբի դեմ նմանատիպ հարձակումները վերջին շրջանում հաճախակիացել են. նոյեմբերի 13–ին գրոհայինները հարձակում էին գործել Ջելալաբադի օդակայանում տեղակայված ՆԱՏՕ–ի ռազմական բազայի ուղղությամբ։
Վերջին օրերին Աֆղանստանում նկատվում է թալիբների ակտիվացում. օրերս երկրի արևելյան հատվածում գրոհայինները սպանել են ՆԱՏՕ-ի 3 զինվորների։ Միջադեպի մանրամասները չեն հաղորդվում։
