Իսլամական համագործակցության կազմակերպության 15 առաջադեմ երկրները կարող են միավորվել G20-ի նման խմբում։ Այս մասին հայտարարել է Ղազախստանի նախագահ Նուրսուլթան Նազարբաևը։
«Ես կարծում եմ, որ պետք է ստեղծել G20-ի նման ֆորում, ոչ պաշտոնական խումբ՝ իսլամական աշխարհում գիտության, էկոնոմիկայի զարգացման համար»,-ասել է նա Աստանայում՝ կրթության ու տեխնոլոգիաների հարցերով Իսլամական համագործակցության կազմակերպության գագաթնաժողովում, փոխանցում է Interfax-ը։
Նա հավելել է, որ իսլամական երկրները պետք է զարգացնեն արդունավետ համագործակցություն Արևմուտքի հետ։
Նազարբաևը նաև ափսոսանք է հայտնել իսլամական աշխարհի պառակտվածության վերաբերյալ, որից օգտվում են «արտաքին ուժերը»։