«Ես համոզված եմ, որ «Ելք» դաշինքը իշխող կոալիցիայի ապագա անդամ է։ Ես դրանում միանգամայն վստահ եմ։ «Ելք»-ը իշխանական կամ իշխանամետ նախագիծ է, այդ պատճառով պետք է ուշադիր լինենք իրենց հայտարարություններին»,- «Առաջին լրատվական»-ի հետ զրույցում նման տեսակետ հայտնեց «Ռեգնում» լրատվական գործակալության գլխավոր խմբագիր, քաղաքական վերլուծաբան Մոդեստ Կոլերովը` անդրադռանալով ԵԱՏՄ-ից դուրս գալու մասին «Ելք» դաշինքի կողմից ԱԺ ներկայացված օրենքի նախագծին։
Կոլերովը հավելում է. «Ես ուշադիր հետևում եմ իրենց հայտարարություններին և ասում եմ՝ ուզում եք դուրս գաք ԵԱՏՄ-ից՝ դուրս եկեք, ոչ ոք ձեզ հետ առևտուր անել չի պատրաստվում։ Դա պետք է հսկանալ, ժամանակակից պայմաններում ոչ ոք առևտուր չի պատրաստվում անել։ Ես այդքանը կարող եմ ասել»։
Հետաքրքրվեցինք՝ արդյո՞ք այդ պարաագյում չեն տուժի հայ-ռուսական հարաբերությունները. «Հարցն այն է, որ հայ-ռուսական երկկողմ հարաբերությունները բաղկացած են մի քանի՝ իրարից տարբեր հանգամանքներից։ Դուք գիտեք, որ ռազմական մասն ավելի անկախ է տնտեսական հատվածից։ Բայց ես համոզված եմ, որ տնտեսական հարաբերությունների փլուզումից հետո՝ հարց է դրվելու Գյումրիից ռուսական 102-րդ ռազմաբազան հանելու վերաբերյալ»։
Մեր զրուցակիցը հավելում է՝ եթե Հայաստանը դուրս գա Եվրասիական տնտեսական միությունից, ապա անխուսափելիորեն դուրս կգա նաև ՀԱՊԿ-ից։
