Արցախը մեր հայրենիքի նահանգներից մեկն է, իսկ կառավարման համակարգը ավտորիտար է: Այդ համակարգը պետք է ապամոնտաժվի: Այս մասին «Առաջին լրատվական»-ի հետ զրույցում նշեց Արցախում գտնվող «Երկիր ծիրանի» կուսակցության առաջնորդ Զարուհի Փոստանջյանը:
Փոստանջյանի կարծիքով՝ քաղաքականությունը մենաշնորհված է, պետք է անդրսահմանյան հայերին ներգրավել այս գործընթացում:
«Այսօր մենք կրկին գտնվում ենք պայքարի մեջ, կրկին տեղի է ունենում նոր աշխարհակարգի ձևավորում, որի բաղկացուցիչ մասն է կազմում դարերից եկած Արևելյան հարցը (Սիրիա, Իրաք, Քուրդիստան, Թուրքիա և իհարկե Հայաստան): Մենք մաս ենք կազմում նաև համաշխարհային հետինդուստրիալ, գլոբալիզացված, թվային հասարակարգի:
Մենք այս նոր աշխարհակարգի և հասարակարգի ձևավորման ժամանակաշրջան ենք մտել աշխարհասփյուռ հայությամբ (անդրսահմանային հայ ազգով), պատմական հայրենիքի քառասուներկու հազար քառակուսի կիլոմետր տարածքի վրա կազմավորված հայկական պետականությամբ»,-նշեց Փոստանջյանը:
Մանրամասները՝ տեսանյութում
