Իսպանական Այելո քաղաքի բնակիչը պնդում է, որ Coca-Cola ըմպելիքի հեղինակը ոչ թե ամերիկացի դեղագործ Ջոբ Սթիթ Փեմբերտոնն է, այլ իր նախնին, որը ժամանակին այդ բաղադրատոմսով ըմպելիքը տարել էր ԱՄՆ ցուցահանդեսի: Այս մասին հաղորդում է Lenta.ru կայքը՝ հղում անելով Public Radio Internatinal-ին:
Խուանխո Միկայի խոսքերով՝ իր պապի պապը Coca-Cola անվամբ օշարակը տարել է Ֆիալդելֆիա, որտեղ 1884 թ. մասնակցել է ցուցահանդեսի և արժանացել մրցանակի: Այս օշարակն ամերիկացիներին դուր է եկել, իսկ երկու տարի հետո Coca-Cola անվամբ սկսել են վաճառել նոր ըմպելիք:
Իսպանացիները պնդում են, որ Փեմբերտոնը, փորձելով այս օշարակը, ավելացրել է գազով ջուր և ստացել է այն, ինչ մենք հիմա խմում ենք: Հայտնի է նաև, որ երբ ամերիկացիները 1940 թ. մտել են իսպանական շուկա, հավանական մրցակիցներին վճարել են 1700 դոլար, որից հետո Իսպանիայում արտադրվող այդ խմիչքը սկսել է կոչվել Cola Nut Coca:
