«Թալիբան» աֆղանական շարժման ներկայացուցիչ Զաբիհուլա Մուջահիդը դատապարտել է ԱՄՆ նախագահ Դոնալդ Թրամփի մտադրությունը՝ երկարացնելու Աֆղանստանում ամերիկյան զորքերի առաքելությունը։ Այս մասին հայտնում է Reuters գործակալությունը։
«Աֆղանստանում պատերազմի շարունակման փոխարեն ամերիկացիները պետք է մտածեին իրենց զինվորների դուրսբերման մասին»,-ասել է Մուջահիդը։ Նրա խոսքով՝ շարժման կողմնակիցները կշարունակեն ջիհադն այնքան ժամանակ, քանի դեռ վերջին ամերիկացի զինվորը չի լքել երկիրը։
Այսօր ավելի վաղ Թրամփը հայտարարել էր, որ Աֆղանստանի հանդեպ իր վարչակազմի նոր մոտեցումը կկայանա նրանում, որպեսզի կանխի այդ երկրի վերածումը գրոհայինների անվտանգ ապաստանի, ովքեր ձգտում են հարձակվել ԱՄՆ-ի վրա։ Պետության ղեկավարը չի հստակեցրել, թե որքան երկար կմնան ուժերն Աֆղանստանում։ Ավելի վաղ հաղորդվել էր, որ պաշտպանության նախարար Ջեյմս Մետիսը ծրագրել է ևս 4000 զինվոր ուղարկել՝ ի հավելում ներկայում կենտրոնաասիական երկրում գտնվող 8400 զինվորի։