2008-ից Հայաստանում մեկնարկել է դեղագործության մրցունակության միջազգային համաժողովը։ Այս տարի թվով երրորդ համաժողովն է, որի ընթացքում քննարկվեցին միջազգային ստանդարտների ներդրման գործընթացը Հայաստանում։ Համաժողովի ընթացքում USAID/CAPS հայաստանյան ծրագրի ղեկավար Արտակ Ղազարյանը նշեց, որ բավականին աշխատանք տարվել է հայաստանյան դեղագործական ոլորտում միջազգային GMP ստանդարտների ներդրման ուղղությամբ, սակայն դեռեւս խնդիր է օրենսդրական համապատասխան դաշտի ձեւավորումը։ Ղազարյանը տեղեկացրեց, որ ՀՀ կառավարութունում արդեն ձեւակերպվել է որոշման նախագիծ՝ հիմնվելով Եվրամիության GMP ստանդարտի վերաբերյալ դիրեկտիվների վրա, որը կընդունվի մինչեւ տարեվերջ։ Իսկ արդեն 2014թ. GMP ստանդարտները համապարտադիր պետք է լինեն հայաստանյան բոլոր դեղարտադրող ընկերությունների համար։ «Չափազանց կարեւոր է նաեւ մասնավոր հատվածի ցանկությունը գործել այդ ստանդարտներով, սակայն Հայաստանում կան մի քաի ընկերություններ, րոնք բավականին մոտ են GMP ստանդարտների ներդրմանը»,-ասաց Արտակ Ղազարյանը։
Արտակ Ղազարյանը նշեց, որ Հայաստանում ներկայումս17 դեղարտադրող ընկերություն է գործում, որոնցից առավել ակտիվ աշխատում են 12-ը. «Կա նաեւ ձգտում արտադրանքը մեծացնելու եւ այս տարի արտահանման առումով բավականին մեծ առաջընթաց կա։ Այս քանակի դեղարտադրողներ ունենալ Հայաստանում միայն երկրի պհանջարկը բավարարելու համար այդքան էլ նպատակահարմար չէ, եւ մենք պետք է աշխատենք, որ դեղագործական ոլորտը դառնա արտահանման ուղղվածությամբ հիմնական ոլորտներից մեկը, ինչն էլ կօգնի մեր տնտեսության զարգացմանը»: