Բրիտանիայի վարչապետ Դևիդ Քեմերոնը հերթական անգամ չի կարողացել ապացուցել, որ մոտ է ժողովրդին՝ չգուշակելով, թե ինչ արժե էժան հացը բրիտանական խանութներում:
Քեմերոնի քաղաքական հակառակորդները և կուսակիցները, ովքեր չեն կիսում նրա հայացքները, մշտապես հիշեցնում են նրա բարձրաշխարհիկ ծագման, Իթոնի հեղինակավոր դպրոցում, այնուհետև Օքսֆորդի համալսարանում ուսանելու մասին: Չեն մոռանում նաև «ոսկե երիտասարդության» համար նախատեսված Բուլինգդոն ակումբին անդամակցելու մասին: Նրանց կարծիքով՝ դա ապացուցում է, որ Քեմերոնը տեղյակ չէ, թե ինչպես է ապրում սովորական ժողովուրդը: Բոլորովին վերջերս Համայնքների պալատի պատգամավոր Նադին Դորիսը Քեմերոնին և նրա թիմին «հարուստ տղաներ» է անվանել, ովքեր չգիտեն, որքան արժե մեկ լիտր կաթը:
LBC ռադիոկայանի հաղորդավարը որոշել է փորձել վարչապետին և հարցրել է նրան, որքան արժե սովորական խանութում ամենաէժան հացը: «Ես չգիտեմ, ես հաց չեմ գնում, քանզի հացի վառարան ունեմ»,- սկզբում պատասխանել է վարչապետը: Իսկ երբ լրագրողը պնդել է, որ նա պատասխանի այդ հարցին, Քեմերոնն ասել է. «Մոտավորապես մեկ ֆունտից ավել»:
Նշենք, որ իրականում ամենաէժան հացը 49 փենս արժե:
